[Tilbake til «Linux i skolen», samiskdelen]
[Jos it sáhte dán siiddu lohkat, geahččal siiddu WS2 veršuvnna]
(Šleađgapoasta sáddejuvvon olbmuide ja institušuvnnaide juovlamánu 1. b. 2001.)
Mun lean mielde prošeavttas mii gohčoduvvo Skolelinux. Mii leat sullii vihttalogis geat eaktodáhtolaččat bargat dáinna prošeavttain.
Linux lea Unix-lágan operatiivavuogádat, ja dát prošeakta galgá heivehit dán vuogádaga nu ahte dan sáhttá geavahit skuvllain, álggus Norgga bealde, muhto maŋŋelis maiddái Suomas ja Ruoŧas.
Ulbmil lea ahte Skolelinux vuosttaš veršuvdna CD sáddejuvvo olggos sullii njukčamánu álggus (Norgga bealde).
Oassi dán prošeavttas lea heivehit ja jorgalit Linuxa sámegillii. Mis leat válbmasat sámegiel boallobeavddit ja sámi locale, nu ahte sáhttá čállit ja lohkat sámegiela Linuxain.
Mii darbbašit veahkki rahkadit sátnelisttu, jorgalit ja dárkkistit jorgalusaid. Mu jearaldat lea de jus don dahje du ossodat sáhttá veahkehit min dáinna bargguin, dahje jos dovddat olbmuid geat sáhttet min veahkehit.
Linux ja prográmmat mat galget leat mielde Skolelinuxas leat friddja ja nuvttá prográmmat, nu gohčoduvvon "Open Source". Dán CDas galget e.e. leat mielde "Office"-lágan prográmmat, web-lohkit ja šleađgapoasta prográmmat.
Loga eanet Skolelinuxa birra dán čujuhusas (dárogillii):
http://developer.skolelinux.no/ ja
http://developer.skolelinux.no/info/prosjektet/
Dás oainnát maid mii leat dán rádjái leat jorgalan: http://developer.skolelinux.no/info/samisk/oversikt.htm8
Jos hálidat eanet dieđuid, sáddes šleađgapoastta, dahje riŋges munnje.
Dearvvuođaiguin
Børre Gaup:as <boerre.gaup@pc.nu>
Björkplan 1K
S-981 42 Kiruna
Tlf: +46 (0) 980 109 19
[Tilbake til «Linux i skolen»]