[Tilbake til «Linux i skolen», samiskdelen]
Bakgrunnsinfo om samisk lokalisering
Det finst 10 samiske hovuddialektar. 6 av desse har
standardisert skriftspråk, dei andre 4 er i dag så godt som
utdøydde, dvs. det finst under 100 menneske som kan kvar av dei,
og der er det ikkje aktuelt å gjøre noko når det gjeld
datateknologi.
Dei 6 skriftspråka er (etter kvart skriftspråk kjem det ein link til ei pdf-fil som viser sortering, alfabet, og område i Unicode-standarden for dei ulike bokstavane. Alle bokstavane finst i Unicode, bortsett frå eit par bokstavar i Kildinsamisk, men også dei er på veg inn):
- Nordsamisk (Noreg, Sverige, Finland) Trulig over 75% av
alle samiskbrukarar i dag. Nordsamisk har opp i gjennom tida hatt eit utall av
rettskrivingar. I 1948 kom det ei felles rettskriving for
nordsamisk i Noreg og Sverige, i 1978 kom det endeleg ei felles
rettskriving for nordsamisk. Denne rettskrivinga vart sist revidert i
1985.. Ho brukar 7 bokstavar som ikkje er i bruk i skandinavisk eller finsk: á, č, Đ, ŋ, š, ŧ, ž, eller a-akutt, c-caron, d-strek, eng, s-caron, t-strek, z-caron. Alfabet og sortering.
- Lulesamisk (Noreg, Sverige) Felles rettskriving, brukar
færre særeigne bokstavar, bare á og ń (n med akutt aksent). Bokstaven ń står i lulesamisk for eng-lyden som vi finn i det norske ordet "sang". I staden for ń, som ein må ha Unicode for å skrive, brukar
mange å skrive ñ, eller til og med ng.
Alfabet
og sortering
- Sørsamisk (Noreg, Sverige) Skrivast med norsk/svenske
bokstavar, noko variasjon i bruk av svensk eller norsk æ og
ø. Treng ingen særeigne tiltak.Alfabet og sortering
- Enaresamisk (Finland) Brukar â, č, Đ,
š, ž, ä, á, ö.
Alfabet og sortering.
- Austsamisk / Skoltesamisk (Finland, historisk og Noreg og
Russland) Brukar bokstavar som vist i pdf-fil: Alfabet og sortering.
- Kildinsamisk (Russland) Brukar kyrillisk skrift, russiske
bokstavar med ein del tilleggsteikn. Alfabet og sortering
Informasjon om tastaturoppsett og sortering ligg på Trond Trosteruds side om samisk lokalisering.
Kjelde: Svein Lund <sveilund@online.no> og Trond Trosterud, <Trond.Trosterud@hum.uit.no
[Tilbake til «Linux i skolen»]